<p>Kvennamót Dalbúa hafa notið vinsælda síðustu ár, enda allar konur velkomnar.</p> <p>Keppnin er punktakeppni með forgjöf, og spilaðar verða 9 holur (1 hringur).</p> <p>Félagskonur eru hvattar til að fjölmenna og taka með sér vinkonur og aðrar kátar konur.</p> <p>Skráning á golf.is eða í golfskálanum í Miðdal. Allir keppendur verða ræstir út á sama tíma, kl. 10:00, og eru keppendur beðnir að mæta tímanlega.</p> <p>Veglegar snyrtivörur frá Lavera verða veittar í teiggjafir, og fjöldi glæsilegra verðlauna er í boði.</p> <ol> <li>verðlaun: Dekur snyrtivörupakki frá Lavera.</li> <li>verðlaun: Glæsilegur snyrtivörupakki frá Lavera.</li> <li>verðlaun: Flottur snyrtivörupakki frá Lavera.</li> </ol> <p>Einnig verða veitt verðlaun fyrir lengsta teighögg á valinni braut og fyrir upphafshögg næst holu á par 3 brautum.</p> <p>Konur, njótum dagsins saman í góðum félagsskap!</p> <p>Súpa og léttar veigar að leik loknum á sanngjörnu verði.</p> <p>Mótsgjald 3.500 kr. </p>
