Upplýsingar

<p>Laugardaginn næstkomandi, 13. janúar, fer fram fjórtánda Vetrarmót vetursins. Mótin hafa verið fastur liður í Mosfellsbænum til fjölda ára og skapað vettvang til að hittast og spila eða bara að til að fá sér kaffisopa með golfélögunum.</p> <p>Þar sem aðstaða vetrarmótana í nýju íþróttamiðstöðunni er ekki tilbúin verður ræst út frá <strong>vélaskemmu</strong>. </p> <p>Framan af vetri er leikið utandyra eða eins lengi og veður leyfir. Ef aðstæður bjóða ekki upp á að spilað sé utandyra er haldið inn í vélaskemmu og púttað. </p> <p>Í vetur verður haldið utan um árangur þeirra sem taka þátt í vetrarmótunum og skiptist tímabilið í tvö leiktímabil.</p> <p>Mótin og mæting telja til stiga, þar sem fimm stigahæstu einstalingarnir hljóta veglega vinninga í lok tímabilana.</p> <p>Það verður því nóg um að vera á laugardögum fyrir félagsmenn GM.</p> <p>Mót vetrarins koma öll til með að vera sett upp á golf.is og verður tekið við skráningu þar.</p> <p>Vetrarmótin eru innanfélagsmót.</p> <p>Keppt er í punktakeppni m/forgjöf og höggleik án forgjafar og verða þátttakendur að hafa löggilda forgjöf og vera félagar í GM til þess að geta unnið til verðlauna.</p> <p>Mæting í mótinn er klukkan 9:30 en ræst verður út af öllum teigum klukkan 10:30. Skráning á rástíma er því eingöngu til þess að raða í holl en eins og áður sagði verða allir ræstir út klukkan 10:30. Ef púttað er innandyra er hægt að pútta milli klukkan 10:00 og 11:00.</p> <p> </p> <p>Verðskrá fyrir félagsmenn<br />Vetrarflatir: 500 kr<br />Sumarflatir: 1.000 kr<br />Púttmót: 500 kr</p> <p> </p> <p>Mikilvægt er að þátttakendur gangi vel um völlinn. Lagi boltaför og gangi frá torfusneplum í kylfuför. Nú þegar veturinn nálgast skiptir miklu máli að vellinum sé sýnd virðing því allt sem við gerum núna í haust mun hafa áhrif á ástand vallarins næstkomandi vor.</p>